BIBLIOTECA WIRTZ

Recomendacións de lectura no día da Paz

2012-01-29T20:46:00.000+01:00

Open publication - Free publishing - More libros

30 de xaneiro: Día da paz e da non violencia

2012-01-29T18:11:00.001+01:00

Quizais vos guste este libro de Anna Obiols "Me llamo Paz"

Open publication - Free publishing

The Fantastic Flying Books of Mr. Morris Lessmore (2011)

2012-01-28T20:22:00.002+01:00

Non deixedes de disfrutar desta curtometraxe de animación nominada aos Oscar sobre os libros e a lectura. Formidabel!

Un pouco de música!

2012-01-23T21:03:00.002+01:00

Como non íamos ser menos apuntámonos a versión galega da canción de moda!

Que a disfrutedes!

O Nadal na nosa Biblio

2012-01-01T19:27:00.000+01:00

Aquí tedes unha pequena presentación dalgúns dos traballados presentados polos alumnos do noso centro ao concurso de Nadal 2011. Noraboa a todos e Feliz Aninovo 2012!

Proximamente na Biblioteca...

2011-12-16T17:21:00.002+01:00

O vindeiro 26 de Xaneiro do 2012, ás 16:30 horas, esperámovos na Biblioteca para participar nunha actividade de CINE e LITERATURA, organizada polo Club de lectura xunto co profesor Quique Pujales (responsable da actividade de Cine do noso Instituto).

Nesta ocasión poderemos disfrutar de distintas adaptacións cinematográficas dun clásico da literatura MADAME BOVARY, de Gustave Flauvert.

Se queredes participar anotádevos na Biblioteca e vos facilitaremos o fragmento da obra que tedes que ler.

ESPERÁMOSVOS!

10 de decembro: día dos dereitos humanos

2011-12-11T20:10:00.000+01:00

O 10 de Decembro conmemoramos o 63 Aniversario da DECLARACIÓN UNIVERSAL DOS DEREITOS HUMANOS de 1948, probablemente o texto máis relevante do século XX, tamén o máis violentado e incumprido, un código universal de dereitos, de desexos e de aspiracións da Humanidade, plenamente vixente, aprobado pola Asemblea Xeral das Nacións Unidas.

10 de Decembro. Día dos DDHH

2011-12-10T00:00:00.001+01:00

63 anos despois da súa proclamación, segue sendo necesario lembrar esta data, 10 de decembro, na que a Asamblea Xeral das Nacións Unidas aprobou a Declaración dos Dereitos Humanos.

Necesario porque nin tan sequera nos países que asinaron esta declaración están garantidos estes dereitos en igualdade de condicións para toda a poboación. Non hai máis que botar unha ollada ao noso arredor, asomarse ás noticias.

Mais aínda así cabe pensar que un outro mundo é posible, que hai arrecendos espallados no ar que nos permiten prender unha candea pola esperanza, por estas xeracións, hoxe nen@s, adolescentes, que medran nas nosas aulas, ao abeiro das nosas Bibliotecas -das súas lecturas, da súa información, da súa formación- nen@s e adolescentes que se implican ilusionad@s e con empeño en proxectos coma "Coñecernos para querernos", nun intercambio persoal e de coñecementos con nen@s dos campamentos saharahuis, para quenes a apertura dunha biblioteca con (o Bubisher) ou sen (O Niño do Bubi) rodas, supón moito máis que un mundo de oportunidades. Para acceder á ilusión, aos soños, á formación, ao coñecemento doutras culturas, doutro idioma.

E con esa candea acesa, brincan faíscas que prenden en case un cento de Bibliotecas Escolares Galegas, que por todo o país escollen cada unha un fermoso álbum ilustrado para agasallar a ese recén estreado Niño do Bubi, porque, coma nas nosas propias Bibliotecas, toda inauguración é unha festa. A esa festa que é a lectura, nesas bibliotecas acubilladas na area, queremos enviar estes álbumes como aves portadoras de boa sorte, como bubishers* cheos de cor, imaxes, historias. Porque as nosas bibliotecas, @s nos@s lectores e lectoras, compartimos co Bubisher, cos lectores e lectoras das súas bibliotecas a crenza firme nos Dereitos Humanos, dende o seu 1º artigo: "Tod@s nascemos libres e iguais en dignidade e dereitos"

* O bubisher (Oenanthe leucopyga e Oenanthe leucura) é un paxariño tímido que vive na Península e tamén en África, aquí chamámoslle collalba negra e no Sáhara o seu nome significa paxaro da boa sorte, no dialecto hassaní é Bubchir بوبشير (o da boa nova) porque adoita aniñar e criar despois das choivas, o que quer dicer que medrará a herba, algo moi importante para quen ten gando.

Bubisher é tamén o nome dun autobús-biblioteca que circula entre os campamentos do Sáhara para levar lectura e información. Ou sexa, unha biblio... pero con rodas!!!

Se queredes unirvos á iniciativa de Álbumes para o Bubisher, só tedes que poñer os vosos datos xunto ao resto das Bibes Galegas.

Música e DDHH

Texto de Maribel Serantes (CEIP Os Casais)

Imaxe atopada aquí

Concurso Nadal 2011

2011-11-25T13:14:00.000+01:00

A Biblioteca Wirtz xunto co ENL, convoca un concurso que ten por obxecto o deseño do noso CALENDARIO DO ANO 2012.

O tema é a TRADICIÓN DO NADAL GALEGO, e especialmente a figura do APALPADOR.

Para participar haberá que presentar imaxes, debuxos, cantigas ou lendas que leven como motivo central ao APALPADOR. Tamén podedes escribir unha carta ou postal dirixida a esta personaxe

Todos os alumnos do Instituto poderán participar presentando traballos orixinais e inéditos.

Admitiránse traballos ata o 15 de decembro do 2011

Os traballos premiados serán publicados no calendario anual do Instituto e recibirán un agasallo sorpresa.

Para ter máis información pásate pola Biblioteca para consultar as Bases do concurso

ANÍMATE A PARTICIPAR!

25 N día contra a violencia de xénero

2011-11-24T21:26:00.000+01:00

"Lonxe de desaparecer, a violencia contra as mulleres en todas as súas crueis
manifestacions e en todos os lugares do mundo, parece incrementarse e fortalecerse...
Loitemos contra a violencia machista, económica e cultural que sufren as mulleres."

RINCON OTAKU

2011-11-21T18:53:00.003+01:00

Kaori Yuki é unha ilustradora de manga xaponesa

Kodomo no Omocha de Miho Obana

Un novo club de lectura dedicado a MANGA. A profesora Loli Carril organizou un falodoiro que tivo lugar na biblioteca o venres pola tarde. Contou coa colaboración especial de Ana María López Neira, alumna do noso centro, quen é especialista en Manga e afeccionada á cultura xaponesa, ten realizado cursos de iniciación de xaponés e de iniciación a Manga. Ana falou da súa experiencia como lectora de ANIME e MANGA e das diferentes categorías como Shöjo (rapaza ) é un xénero de manga e anime dirixido a rapazas; Seinen dirixido a un público masculino de 18 ou máis anos de idade; Kodomo (neno) para o público infantil; Shönen (mozo) é o nome das revistas dirixidas aos xóvenes; Josei, dirixido a mulleres; Hentai, publicacións para adultos...

O faladoiro resultou moi entretido e serviu para que aprendésemos algo sobre comic manga e a cultura xaponesa. Parabéns por esta iniciativa !!!

Por Cris Asensio

BIBLIOTECAS ESCOLARES GALEGAS

2011-11-17T12:20:00.002+01:00

Esta entrada é para poñernos a todos os dentes longos!

Este vídeo foi rodado en centros do Plambe de diferentes recunchos de Galicia, e presentouse no Congreso Bibliotecas Escolares en Tránsito, celebrado en Compostela os días 10, 11 e 12 de novembro

As imaxes exemplifican a distribución de espazos nas novas bibliotecas, e algunhas das actividades que o alumnado realiza nelas día tras día.
Moito nos queda por mellorar, pero aí estamos pouco a pouco!

Biibliotecas Escolares en Tránsito [GAL] from Bibliotecas Escolares de Galicia on Vimeo.

Refráns para o outono

2011-11-03T17:43:00.001+01:00

Dende a Biblioteca do CEIP Esteiro de Ferrol, chéganos está recompilación de refráns para celebrar a chegada do outono. Esperamos que vos gusten!

Open publication - Free publishing - More refrans

Agradecémoslle dende aquí que compartan connosco este fermoso traballo

CONTOS Á LUS DA CABAZA

2011-10-31T16:59:00.004+01:00

PASÁMOLO DE MEDO!

Por Cris Asensio

O pasado Venres celebramos na biblioteca unha actividade de samín que incluíu teatro, club de lectura...e merendola. Participaban os alumnos e alumnas de 2º de ESO. Para empezar Karina e Eduardo, dous alumnos de 1º de bach. letras, explicáronos en que consistía esta celebración do día de difuntos e as súas orixes e significado. A seguir cantamos unha canción de Mamá Cabra que falaba do baile dos esqueletes, bruxas e demais monstruosidades nunha noite de trebón, nun misterioso castelo. Despois Paula e Elías contaron contos de medo realizados por eles ao resto e o grupo de teatro de 2º A, composto por Andrea, Margarita, Rubén e Brais, fixo unha dramatización do conto de Anxel Fole, Antón de Cidrán. Para rematar Pablo e Andrés recitaron un conxuro para botar fóra todos os medos. De postre comemos "linguas de gato", zonchos preparados pola profesora Elisa para a ocasión, e unhas lambetadas moi larpeiras que trouxo a profesora Cecilia. Volveremos a repetir a experiencia. Atreveraste a participar?

Samaín

2011-10-26T10:33:00.001+02:00

A nosa biblioteca

2011-10-18T17:32:00.001+02:00

Iniciamos un novo curso coa boa nova da incorporación do noso IES ao Plan de Mellora de Bibliotecas Escolares (PLAMBE) que convoca a Consellería de Educación. Desde aquí, os compoñentes do equipo de biblioteca queremos anunciar que tentaremos levar adiante con moita ilusión o proxecto no que a mellora da nosa biblioteca será o obxectivo principal.

Normas de uso da biblioteca

2011-06-08T21:08:00.000+02:00

Publicamos este simpático vídeo sobre as normas de uso da biblioteca realizado polo IEs Frei Sarmiento de Pontevedra. Tomade nota!!!

Concurso Letras Galegas 2011

2011-05-29T20:03:00.002+02:00

Concurso literario Letras Galegas 2011

O xurado composto por profesoras de lingua e literatura decidiu conceder os seguintes premios:

ESO

En ESO, na modalidade de narrativa o premio foi para o relato titulado

Unha rapaza e os seus cambios de Alba Llamazares Rodríguez (2º B)

Na modalidade de poesía non se concedeu ningún premio.

BACHARELATO

Modalidade de POESÍA:

1º premio Marta Barandela (1ºBach)

2º premio Sabela Rodríguez (2º Bach)

Modalidade de narrativa:

1º premio Sabela Rodríguez (2º bach)

2º premio Marta Barandela (1ºbach)

Concurso de narración e poesía

2011-05-06T20:38:00.001+02:00

O departamento de Lingua Galega e Literatura e conmemoración do Día Mundial do Libro o 23 de abril, e o Día das Letras Galegas, adicado este ano a Lois Pereiro, organiza un Concurso de Narración e Poesía. Hai dúas modalidades, unha para alumnado de ESO e outra para alumnos de Bacharelato e Ciclos Formativos. Outorgaránse dous premios de Poesía e dous premios de Narración en cada modalidade. O primeiro premio está dotado con 100 euros e o segundo con 50 euros. O fallo do xurado darase a coñecer o venres 13 de maio de 2011.

Marica Campo no IES Fernando Wirtz

2011-04-26T19:56:00.000+02:00

O vindeiro xoves 28 de abril estará con nós a escritora Marica Campo para participar no faladoiro sobre Confusión e morte de María Balteira. Esperamos que vos animedes a participar, traendo as vosas preguntas, opinións, suxestións... e que resulte un club verdadeiramente animado.

Inspirado no relato "Soliloquio dunha xacia" por Laura Montes (1ºBach)

A tertulia terá lugar na tarde do xoves, ás 16.30, no salón de actos do noso IES

Día da poesía

2011-03-26T18:54:00.002+01:00

Por Cris Asensio

A celebración do día da poesía foi a culminación dunha serie de actividades que viñamos realizando nas semanas anteriores, nelas participapn alumnos de diferentes cursos de ESO e Bach. Recoller poesías, facer un mural para a biblioteca con poemas escollidos polos alumnos e alumnas ou feitas por eles, preparar curtametraxes ou calquera tipo de material audiovisual partindo de cantigas medievais, adornar o recibidor principal do instituto con motivos poéticos, así como a proposta de facer "un cadáver exquisito" ou a "caixa máxica" das palabras" foron as actividades máis significativas. O día 23 de marzo no salón de actos tivo lugar a proxección das curtametraxes neotrobadorescas nas que estiveron traballando os alumnos de 1º de bach e a seguir houbo un recital poético-musical para o que contamos coa participación de alumnos de 4º e 2º da ESO. No recital escoitamos poesías de distintos autores e linguas, principalmente en galego pero tamén en francés e ata en ruso!

Colaboramos as profesoras que formamos parte do Equipo de Normalización lingüística, do equipo de Club de lectura y Biblioteca e o director do centro.

DIA DE SAN VALENTÍN

2011-02-10T21:21:00.000+01:00

"A rapaza da perla" do pintor holandés do S. XVII Johannes Vermeer.

Na biblioteca do noso instituto celebramos o día dos namorados e por iso queremos agasallarvos con esta fermosa cantiga neotrobadoresca composta por Joel Taibo Vilariño de 1ºBC1, quen quere dedicarllela a todas as compañeiras da súa clase:

A tristura do meu corpo

de pensar que non é miña

e a ledicia do seu dono,

o sufrir da miña vida.

Oxalá fose miña,

meu amigo!

Cando comezan os días

longos cabelos como ouro

asoman pola ría,

nunca vin pelo tan louro.

Oxalá fose miña,

meu amigo!

Morro se vexo que chora,

vivo cando ela ri,

se un día miña fora!

Maldigo o día cá vin.

Oxalá fose miña,

meu amigo!

É a miña luz no camiño,

é a sombra dos meus amores,

por todos os que sospiro.

É máis bela ca mil flores.

Oxalá fose miña,

meu famigo!

morrerei por ela de amor.

Para deixar de sufrir

que me maten, por favor,

non quero sen ela vivir.

Oxalá fose miña,

meu amigo!

XXI Concurso de contos Vila de Pontedeume

2011-01-26T18:42:00.002+01:00

Os rapaces de ata vinte anos que estuden o segundo ciclo da ESO, Bacharelato ou ciclos formativos poden presentarse, ata o día 1 DE ABRIL á XXI edición do Concurso de Contos Vila de Pontedeume. Trátase dun certame xa veterán no que participan escritores en potencia de todo Galicia. Pídense textos escritos en galego cunha extensión entre seis e dez folios mecanografados a dobre espazo e por unha soa cara.

Establécese un único premio de 732€, que poderá quedar deserto se así o decide o xurado. De tódolos xeitos, tamén se da o caso de que a calidade dos contos faga que se destaquen accesits. O fallo darase a coñecer o día 17 de maio, nun acto público que se celebrará no salón de plenos do concello.

Poden aclararse dúbidas sobre as bases na Biblioteca do centro ou chamando aos teléfonos 981 43 25 98 ou 607 51 27 06.

Orgullos@s do galego

2010-05-21T09:20:00.000+02:00

A coordinadora de EDNL inicia esta campaña, que seguro xa coñecedes polas camisetas que levastes ao correlingua e que vos deu Elisa.
O lema é o seguinte:

Achegamos o vídeo da Campaña "Orgullos@s do noso, orgullos@s do galego" da Coordinadora Galega de ENDL, no que aparecen Martiño Rivas, Belén Regueira, Antón Reixa, Susana Seivane, Luís Tosar e María Castro

EL ÁRBOL ROJO

2010-02-01T12:24:00.000+01:00

Hoxe atopei este albúm de Shaun Tan, publicado por Barbara Fiore Editora , que retrata a viaxe por un mundo de soño dende a desesperacíon á esperanza.
Ten unhas ilustracións chulísimas!!
Deixovos este estupendo agasallo que algúen colgou en youtube

Recomendamos para o Nadal

2009-12-15T11:53:00.001+01:00

La Cenicienta que no quería comer perdices>

View more documents from Gabriel Bou.

Blog da cenicienta que non quería comer perdices

DECLARACIÓN DOS DEREITOS HUMANOS

2009-12-10T12:04:00.000+01:00

10 de DECEMBRO: DÍA DOS DEREITOS HUMANOS

2009-12-09T12:02:00.000+01:00

O 10 de decembro de 1948 a Asemblea Xeral das Nacións Unidas aprobou e proclamou a Declaración Universal dos Dereitos Humanos

Dende as Bibliotecas Escolares recollénse varias actividades e recursos para conmemorar este día, que vos deixo aquí colgadas

Este cartel tan chulo dende a Biblioteca IES Río Cabe, de Monforte de Lemos

Recompilación de materiais en relación cos dereitos humanos que fixo a biblioteca do CEIP Mestres Goldar (Vigo, Pontevedra).

Dereitos da infancia vistos por Mafalda:
http://www.cuervoblanco.com/Mafalda/mafalda1.html

CAMPAÑA CONTRA A VIOLENCIA DE XÉNERO

2009-11-23T12:38:00.001+01:00

Campaña Maltratozero - Watch today’s top amazing videos here

CONVOCATORIA DO CLUB DE LECTURA

2009-11-02T11:53:00.005+01:00

QUERES COMPARTIR AS TÚAS LECTURAS??

O NOSO CLUB DE LECTURA BOTA A ANDAR DE NOVO!

O único que precisas é ter ganas de LER e compartir as túas experiencias lectoras cos demais.
Para participar tes que coller un formulario na Biblioteca e entregalo antes do día 9 de NOVEMBRO.
ANÍMATE XA!!

AS RECOMENDACIÓNS DE BE

2009-10-20T10:50:00.008+02:00

En homenaxe á mellor comentarísta deste blogue, e en previsión de que alguén non lea as súas suxerencias, está entrada vai dedicada a ela, e recolle as súas dúas últimas recomendacións.

As dúas son de Rosa Aneiros:

Sol de Inverno, a obra coa que Rosa Aneiros gañou o Premio Xerais 2009, “Sol de Inverno constrúe un mundo simbólico e máxico polo que deambulan seres entrañables para crear un relato de pulso vagoroso, que reborda nun potente río de historias. A memoria do exilio, as súas voces e as súas feridas, que Inverno debe lamber unha e outra vez, marcan o pulso desta novela que destaca pola rebeldía dos personaxes na defensa dos ideais e da xustiza.”

Na “Luzada”, a cafetaría de Patricia, conflúen cada mañá os camiños que transitan os personaxes d’ As de bolboreta, a novela de Rosa Aneiros gañadora do Premio Fundación Caixa Galicia de literatura xuvenil 2009. O de Manuel, un neno de orixe africana, a quen lle morreu a súa nai adoptiva, que comparte varias horas do día co seu avó. O de Lola e Eusebio, un matrimonio de persoas maiores que viven soas e deben enfrontar as difíciles decisións que esixen a vellez e a aparición da enfermidade. O de Iqbal, un mozo de pais paquistanís que decidiu marchar de Londres tras os atentados terroristas no metro de 2005. O de Aysel, unha kurda que manifesta a impotencia que sente pola indiferenza con que a comunidade internacional acolle a represión exercida contra o seu pobo por parte do goberno turco. O dos alpinistas do monte Gurugú, dous mozos nixerianos que tentan atravesar o valado da fronteira de Melilla para poder reunirse coa súa tía, que agarda todos os días no bar unha chamada que confirme a chegada dos seus sobriños a Galicia. E tamén o de Paco e Adolfo, dous homes covardes que non aprenderon a considerar as súas mulleres como compañeiras de viaxe, e o da señora Filomena, e o de Ana, e o de Fiño…

BENVIDOS A UN NOVO CURSO!!!

2009-09-30T13:10:00.001+02:00

REMATA O CURSO!!

2009-06-23T13:04:00.008+02:00

ESTA ENTRADA É PARA DESEXARVOS A TODOS UNHAS BOAS VACACIÓNS!!!
Espero que descansedes moito e que veñades con forzas renovadas para o vindeiro curso.
Tamén queremos agradecer dende aquí toda a colaboración e paciencia dos nosos membros do club de lectura, que souberon perdoar a nosa inexperiencia. Prometemos que para o ano sairá algo mellor (habémolo de intentar alomenos).

MOI BOAS VACACIÓNS!! LEDE MOITO!!! BIQUIÑOS DENDE AQUÍ!!

ÚLTIMA REUNIÓN DO CLUB "MERLIN E AMIGOS"

2009-06-17T11:36:00.011+02:00

Ola a todos os membros do noso clube!!!

O vindeiro día 22 de xuño, teremos unha útima xuntanza para todos os membros do club de lectura. ´
Non esquezades vir, que haberá sorpresas!!!
Traede todos os libros que teñades prestados da Biblio!!

Hora de xuntanza: 11:00
Lugar: Biblioteca

NOVAS ADQUISICIÓNS NA BIBLIO

2009-05-15T12:38:00.003+02:00

LETRAS GALEGAS 2009

2009-05-15T12:32:00.001+02:00

PRESENTACIÓN DE BERNARDO ATXAGA

2009-05-14T13:15:00.003+02:00

O vindeiro martes día 19 de maio as 19:30, Bernardo Atxaga, firmará na FNAC exemplares da súa última novela " SETE CASAS EN FRANCIA"

OLLADAS SOBRE RAMÓN PIÑEIRO

2009-05-12T11:43:00.004+02:00

Deíxovos un vídeo educativo sobre Ramón Piñeiro , elaborado por los CPIs San Vicente (A Baña) y Os Dices (Rois) , sobre a vida do homenaxeado narrado por un rapaz de primaria. Contén imaxes dos lugares onde vivíu e entrevistas entre outros a Fernández del Riego,Barreiro Rivas, a irmá de Piñeiro e Isaac Díaz Pardo.

XUNTÁMONOS DE NOVO

2009-05-08T09:36:00.006+02:00

O vindeiro luns día 11 de maio teremos unha nova xuntanza co grupo A do Club Merlín e amigos, para repartir a lectura deste mes "A MIÑA PLANTA DE LARANXA LIMA"

O martes día 12 de maio quedamos os do grupo B para comentar os nosos preferidos de Banda Deseñada

ACORDÁDEVOS QUE A HORA É AS 11:00 E O LUGAR A BIBLIOTECA
VEMONOS!!!

LIÑA DO TEMPO VIRTUAL: RAMÓN PIÑEIRO

2009-05-06T12:55:00.006+02:00

Este ano, o día das letras galegas dedícase a Ramón Piñeiro. Nesta semana ireivos deixando cousiñas que atope por aí e que sexan interesantes.
A primeira que quero colgar é unha liña do tempo que nos chega dende o Ceip Mestres Goldar (Julia González)

NOVIDADES NA BIBLIOTECA

2009-04-29T11:33:00.004+02:00

Deixovos esta entrada para que vexades algúns dos novos libros que temos na Biblioteca:

VIÑETA SOBRE OS LIBROS

2009-04-28T11:58:00.003+02:00

No País do domingo día 26, apareceu esta viñeta que nos fixo chegar Quique, de matemáticas, coa seguinte proposta:

Algúen sería quen de escribir o que lle suxire???

DEIXOVOS O DESAFIO!!!

Movemento do dragón

2009-04-23T11:38:00.008+02:00

Un video no que se aprecia o movemento do drágón de papel ao que se fai referencia nun artigo de Hipatia 10

BIBLIOTECA DIXITAL MUNDIAL

2009-04-22T13:05:00.000+02:00

Onte inaugurouse a Biblioteca Dixital Mundial, un sitio da rede en sete idiomas, que ten como obxetivo facilitar o intercambio cultural entre distintas rexións, dende Asia ata América Latina.
Deixovos o enlace.

NESTE MES BANDA DESEÑADA

2009-04-22T11:35:00.000+02:00

Ola a todos de novo!! Neste mes o noso club de lectura decidiu darlle unha volta á Banda Deseñada. Eliximos varios títulos que están á vosa disposición na Biblioteca. Neste mes teñen preferencia para levalos os membros do Club de Lectura, pero estarán dispoñibles para todos a partir do mes que ven. Deixovos unha pequena sinopse de cada un para que vos animedes:

PERSÉPOLIS. Marjane Satrapi

Persépolis é a conmovedora historia dunha moza iraní desde a revolución islámica ata agora. A historia comeza cando os fundamentalistas toman o poder forzando ás mulleres a levar veo e encarcelando a miles de persoas. Con todo ela é moi astuta e descobre o punk, ABBA e a Iron Maiden mentres vive o terror da persecución do novo goberno e a guerra de Irán e Irak. Como adolescente envíana a Europa onde por fin pode comparar outras culturas co fundamentalismo relixioso do que escapou.
Deixovos uns enlaces por se vos interesa saber máis do libro e da peli:

http://www.persepolislapelicula.es/
http://www.guiadelcomic.com/comics/persepolis.htm

PEDRO Y YO. Autor: Judd Winick

1993. Judd Winick, un novo autor de cómic preséntase ao casting do programa The Real World, un reality show da MTV na que un grupo de persoas comparte unha casa durante seis meses. Judd é seleccionado para participar na terceira tempada do programa: Real World San Francisco. Á súa chegada fai amizade con Pedro Zamora, un mozo de 22 anos de orixe cubana, homosexual e seropositivo desde os 17 anos.

AYA DE YOPOUGON.

Autor: Marguerite Abouet, Clément Oubrerie

A historia, ambientada na Costa de Marfil dos anos 70, ten como protagonistas a tres rapazas adolescentes e xira en torno ás cuestións proprias desa idade: as relacións sentimentais, a apertura á idade adulta, a asunción de responsabilidades e a preparación para o futuro.

V DE VENDETTA

Autores: Alan Moore (guión) y David Lloyd (dibujo)

Ciencia-ficción e intriga
Estamos no ano 1997. finalizou a III Guerra Mundial. Inglaterra converteuse nun estado fascista. Nestes tempos de desesperación e escuridade, aparece un misterioso individuo que se fai chamar "V" e que ataca aos intereses e axentes do estado, creando o caos. Pero, ¿Quen é "V"? ¿Por que busca vinganza?

MAUS. Art Spiegelman

Maus é unha autobiografía na que Art Spiegelman relata a historia do seu pai Vladek, un sobrevivente de Auschwitz. Realiza tamén un retrato do seu pai na actualidade, no momento en que o entrevista para que lle transmita as súas lembranzas da guerra, e da súa tensa relación con el. Vai máis alá do Holocausto, internándose na psicoloxía do pai, na sombra dunha nai suicida e na pantasma dun irmán ao que nunca coñeceu. Como característica formal cómpre salientar que as personaxes amosan trazos faciais de animais, recurso que Spiegelman emprega con fins narrativos. Deste xeito representa aos xudeus como ratos e aos nazis como gatos.

CORALINE. Neil Gaiman

Coraline chega a unha casa descoñecida, un edificio moi antigo: tiña un faiado debaixo do tellado, un soto ao que se accedía desde a planta baixa e un xardín cuberto de vexetación cheo de vellas árbores de gran tamaño.

Unha vez alí, Coraline coñecerá aos seus estraños veciños, un peculiar gato e unha porta que parece que non conduce a ningún sitio. Algo demasiado intrigante para unha nena esperta como ela que lle levará a descubrir que hai máis dun mundo, non só o que vemos, e que as cousas son moito máis do que parecen a primeira ollada.

ESPERO QUE VOS GUSTEN!!!!

XUNTANZA DO CLUB

2009-04-16T11:42:00.000+02:00

O vindeiro luns teremos xuntanza do club de lectura cos membros do grupo A (Sangue sobre a neve) as 11:00 na Biblioteca.
O martes día 21 na mesma hora quedamos os do grupo B (A Clase)
LEMBRADE VIR!!!

CALENDARIO DAS LETRAS 2009

2009-04-14T18:00:00.001+02:00

2 de ABRIL: DÍA INTERNACIONAL DO LIBRO INFANTIL

2009-04-01T12:51:00.000+02:00

A elección do día 2 de abril, como día internacional do libro infantil, pretende lembrar a figura de Hans Christian Andersen coincidindo coa efeméride do seu nacemento, e difundir a mellor literatura infantil e xuvenil que se pode poñer ao alcance dos novos lectores.

LINGUA DE AMOR 2009

2009-03-25T12:42:00.000+01:00

Xa está en marcha a 3ª edición de Lingua de Amor, o concurso de cancións e declaracións de amor en galego
O Consello da Xuventude de Galicia (CXG) presentou a terceira edición do concurso Lingua de Amor, organizado con motivo da celebración do Día das Letras Galegas e do Día Internacional da Internet.

O plazo permanecerá aberto ata o 10 de maio de 2009.

Deixovos o enlace a páxina onde encontraredes máis información (un click na imaxe), e tamén tedes folletos informativos coas bases na Biblioteca.

FORO LECTOR

2009-03-13T11:35:00.000+01:00

Ola a todos de novo.

Veño de visitar un foro de lectura que quizais vos resulte moi interesante!!!

Chámase LIBROS Ó CABO, e foi posto en marcha por Luz (profesora de lingua e literatura nestes instituto fai 2 anos), cos seus alumnos de Laxe.

Gústame moito o formato porque permite que todo o mundo participe, comente e colgue as súas cousas!!! Quizais para o ano que ven podemos cambiar o blog por un foro!!

Recoméndovos que o visitedes e que incluso vos animedes a comentar (non tedes máis que rexistrarvos), sempre e cando, claro, non abandonedes o noso blog pola competencia!!!!

Deixovos aquí o enlace. Non tedes máis que pinchar na súa mascota!!! (creo que se chama Pepiño)

NESTE MES LEMOS....

2009-03-11T12:07:00.000+01:00

Ola de novo a todos os membros do club. COmo xa estivestes na reunión do luns, esto non será nada novo para vos , pero é para ir abrindo boca!!

Deíxovos unha pequena sinopse dos títulos que eliximos:

SANGUE SOBRE A NEVE. Manuel Forcadela

Un coñecido industrial aparece asasinado na praia de Alcabre deixando unha cuantiosa débeda. Toni Barreiro, un ex-boxeador que malvive realizando cobros de morosos, é contratado para tentar a recuperación dos cartos. Como resultado das súas pesquisas só consegue pór en perigo a súa propia vida. Pero Toni non é un home que se deixe vencer facilmente. Contará coa axuda de Elvis, un vello e inseparable amigo, e de Patricia, unha muller atractiva, misteriosa. Como fondo, un Vigo portuario e invernal dando cabida aos lances da paixón e o crime.

A CLASE. François Bègaudeau

“Eu falaba para unha clase silenciosa e distraída, Gibran e Arthur dedicábanse a unha análise comparativa das súas calculadoras e rebentaban co riso por non sei que, Michael asentía movendo a cabeza aínda que pensaba noutra cousa e, mentres, os muros daban en inclinarse perigosamente e terminarían por caernos a todos enriba.” Cunha escrita descontinua que vai captando diferentes escenas e conflitos co alumnado e cos seus colegas, case coma se fose unha cámara, François Bégaudeau constrúe en A clase unha crónica do seu labor como profesor, engadindo mesmo as súas propias dúbidas e poñendo de manifesto as dificultades que xorden nas aulas, nos claustros, entre os adolescentes e tamén entre os adultos. Este é o impactante relato da vida nunha clase multicultural da bisbarra parisina, con todas as tensións entre profesores e alumnos, que en certa maneira traducen o conflito entre ricos e pobres, entre aqueles que posúen o saber e aqueles que non o teñen. Unha adaptación desta novela foi levada ao cine por Laurent Cantet, e a película homónima obtivo a Palma de Ouro do Festival de Cannes 2008

CONVOCAMOS NOVA XUNTANZA

2009-03-06T11:40:00.000+01:00

O próximo luns día 9 de MARZO, quedamos de novo as 11:00 na Biblioteca para a reunión do club de lectura. A ver se desta vez vai!!!

Os membros do Grupo A: recordade traer as fotos que vos pedimos para poder facer o noso album de TRECE ANOS DE ... MERLÍN E AMIGOS.

Os membros do grupo B traede moitas opinións sobre a vosa lectura "CUMBRES BORRASCOSAS".

Ata o próximo luns!!!

CONVOCATORIA DO CLUB

2009-02-27T11:42:00.000+01:00

Lembrade os membros do grupo B do Club de lectura, que temos unha xuntanza o luns día 2 de marzo na biblioteca as 11:00, para falar de "CUMBRES BORRASCOSAS"
Espero que vos estea gustando moito o libro e que traiades opinión moi interesantes para os vosos compañeiros.

VEMONOS LOGO!!!

Emily Brontë naceu o 30 de xullo de 1818 en Thorton, Inglaterra e dous anos máis tarde, en 1820, a familia trasladouse a Haworth, en Yorkshire, onde a novelista viviu toda a súa vida. En xullo de 1845, terminou de escribir Cumes Borrascosas, que se publicou en decembro de 1847, sendo moi mal acollida polo público, xa que o seu estilo, rudo e salvaxe, apartábase por completo do imperante na época, ata o punto de que durante anos o libro foi esquecido por non considerárselle, nin sequera, unha boa novela. Tanto máis sorprendente este feito, cando a súa irmá Charlotte facíase famosa con Jane Eyre converténdose nunha escritora consagrada. Morreu en 1848 á idade de trinta anos

LIBROS DO CLUB

2009-02-12T21:30:00.000+01:00

POR FIN CHEGARON OS LIBROS!!!!! NON FOI SEN TEMPO.

Podedes pasar a recollelos a partir de mañá venres día 13 na Biblioteca. Esperan impacientes a que alguén os lea!

Por certo lembrade os do grupo B (Cumbres Borrascosas) a nosa reunión do luns 16. Non importa que todavía non lerades moito!!!

Os do grupo A (Trece anos de Branca) xuntaremonos o día 17, martes, xa que este luns non poidemos polo temporal. TEMOS UNHA PROPOSTA PARA VOS....

SAN VALENTÍN NO WIRTZ

2009-02-12T21:24:00.001+01:00

Quizais teñades visto este cartel na entrada do instituto!!! Haberá que ir mañá a ver que pasa...

ÁRBORE XENEALÓXICA DE "CUMES BORRASCOSAS"

2009-02-09T18:24:00.000+01:00

Esta entrada está especialmente adicada aos lectores do club que xa comezaron con "CUMES BORRASCOSAS".
Quizais vos resulte un pouco complicado entender as relacións familiares entre os protagonistas do libro,así que aí vai a árbore xenealóxica:

CONCURSO DE BANDA DESEÑADA

2009-02-06T12:19:00.000+01:00

Ola a todos!!
Neste curso imos convocar por vez primeira un CONCURSO DE BANDA DESEÑADA.

Deixovos aquí as bases:

BASES DA I EDICIÓN DO CONCURSO DE CÓMICS (BANDA DESEÑADA) DA BIBLIOTECA IES FERNANDO WIRTZ

1. Poderán participar todos os alumnos do centro.

2. Haberá dúas categorías no concurso:
· CATEGORÍA A: Ensino Secundario Obrigatorio (ESO)
· CATEGORÍA B: Bacharelatos e Ciclos Formativos

3. Haberá dúas modalidades en cada categoría: Galego e Castelán.

4. O tema será libre

5. A extensión será dun mínimo de 2 páxinas por unha cara e un máximo de 6, de técnica libre e en formato DIN A-4 (folio).

6. O traballo deberase entregar na Biblioteca, nun sobre pechado e coa indicación “Concurso de Cómics” , categoría (A ou B) e Modalidade (galego ou castelán) , no que figure:
· O traballo impreso
· En folla aparte: Nome e apelidos, curso e teléfono.

7. Prazo de presentación: 6 de marzo de 2009

8. Premios:
· Categoría A
o Modalidade castelán: 1º Premio: vale 50 € en libros
o Modalidade galego: 1º Premio: vale 50 € en libros
· Categoría B:
o Modalidade castelán: 1º Premio: vale 50 € en libros
o Modalidade galego: 1º Premio: vale 50 € en libros

9. A relación de gañadores publicarase o día 30 de marzo no taboleiro da Biblioteca e no blogue do instituto http://www.bibliotecawirtz.blogspot.com/ e os premios entregaranse co gallo da celebración do Día do libro (23 de abril).

10. Os cómics presentados pasarán a ser propiedade da Biblioteca.

XA TEMOS NOVAS LECTURAS PARA O CLUB!!!

2009-02-04T09:27:00.000+01:00

Neste mes os membros do Club de lectura "Merlín e amigos" escollemos dúas novas lecturas .
A primeira para o grupo A : TRECE ANOS DE BLANCA de Agustín Fernández Paz
A segunda para o grupo B: CUMBRES BORRASCOSAS de Emily Bronte
Aí vai unha pequena reseña de cada un deles!!!

Cumbres borrascosas de Emily Brontë
A poderosa e hosca figura de Heathcliff domina Cumbres Borrascosas, novela apaixonada e tempestuosa cuxa sensibilidade adiantouse ao seu tempo. Os brumosos e sombríos páramos de Yorkshire son o singular escenario onde se desenvolve con forza arrebatadora esta historia de vinganza e odio, de paixóns desatadas e amores desesperados que van máis aló da morte e que fan dela unha das obras máis singulares e atractivas de todos os tempos

Trece anos de Blanca. Agustín Fernández Paz
Branca está enferma con hepatite. Desde fai nove días garda cama e obrigárona a facer repouso absoluto durante cinco ou seis semanas. ¡Unha eternidade! Encima tócalle pasar o seu aniversario así, e é un aniversario importante: trece anos. Ese día regálanlle un álbum de fotos e a súa nai proponlle que o complete para non aburrirse.

Tamén neste mes decidimos coordinar mellor as nosas xuntanzas, que serán sempre os luns (cada 15 días). Recordade que este luns día 9 temos xuntanza con grupo A: 1º e 3º da ESO e para o luns que ven (día 16) co grupo B.

Os libros todavía non os temos na Biblioteca, pero contamos con que cheguen nesta semana. Todos os avisos ao club colgaranse no Blogue e expoñeranse tamén no tabuleiro que temos para os nosos anucios ao lado da Biblioteca.
Só me queda animarvos a que leades moito e a que vos guste máis!!!

Por certo, este blogue pretende ser a vosa casa, así que estaría ben que comentárades algunhas das vosas ideas, propostas ou opinións nel.

XUNTANZA DO CLUB DE LECTURA

2009-01-30T12:50:00.000+01:00

O VINDEIRO LUNS DÍA 2 DE FEBREIRO TEREMOS UNHA XUNTANZA AS 11:00 NA BIBLIOTECA, PARA ELEXIR A NOVA LECTURA DO MES.
ESPERÁMOSVOS A TODOS

WEBQUEST: XANEIRO MES DA PAZ

2009-01-29T13:24:00.000+01:00

Desde a Biblioteca Escolar do CEIP Mestre Martínez Alonso (Mos, Pontevedra) achégannos unha proposta excelente para avanzar na educación documental do alumnado. Esta webquest: xaneiro, mes da paz, está pensada, segundo o equipo da biblioteca, para 2º/3º ciclo de primaria, pero nalgúns centros tamén a van empregar para 1º ciclo de ESO. Agradecemos a xenerosidade do profesorado que comparte este recurso co resto das bibliotecas escolares, nunha dinámica de traballo absolutamente contextualizada no tempo e na realidade máis brutal.

PAZ E POESÍA

2009-01-29T12:03:00.000+01:00

Estes días en que moitas bibliotecas escolares galegas traballan intensamente na preparación de actividades relacionadas coa poesía para contribuír á necesaria reflexión arredor do Día da Paz, o noso recanto fai tamén a súa contribución con este fermoso texto de Antonio García Teijeiro:

Choven balas

Seres berran

Arden vilaS

Queiman leiras

Caen nenos

Chora a terra

Xeme o pobo

Pingas negras

Cicatrices

Dor vermella

Destrución

Chuvia cega

Berros tristes

Dor marela

Choven balas

e miseria

Noite fría

Tristes guerras

ace o medo

Chora a terra.

Antonio García Teijeiro, Chove nos versos

CONCURSO DE CALIGRAMAS

2009-01-22T12:16:00.000+01:00

Chegounos un correo coas bases do certame de caligramas que convoca o IES Castro da Uz (As Pontes). Pego aquí o texto para a vosa información co desexo de que vos animedes a participar. Veña, ánimo.

1.- Consideramos “caligrama” un texto, xeralmente poético, no que se emprega a disposición das letras ou palabras, a tipografía ou a caligrafía para tentar representar o contido do poema.

2.- Poderá participar calquera estudante, de primaria, secundaria, ensinanza post-obrigatoria ou ciclos formativos.

3.- Cada concursante participará con un caligrama, orixinal e inédito. As obras non irán asinadas e o tema será: “isto lino nos libros”. Baseándose en citas de libros, deixarán voar a imaxinación para elaborar o seu caligrama.
4.- Os caligramas non superarán as dimensións dun folio DIN A4 e poderán presentarse manuscritos ou a ordenador.

5.- O prazo de admisión de orixinais remata o 3 de abril de 2009. As obras presentaranse no IES Castro da uz –en horario lectivo- ou enviaranse ao enderezo: IES Castro da uz, Rúa José María Penabad s/n. (cp 15320), As Pontes, indicando no sobre “Para o 3º Concurso de Caligramas”.

6.- O caligrama non irá asinado; identificarase cun pseudónimo. Meterase nun sobre xunto a un folio que conteña a seguinte información: pseudónimo e nome e apelidos do autor ou autora do caligrama, enderezo persoal ou do centro de ensino, teléfono de contacto, correo electrónico e D.N.I. -se tivese-, así como o colexio no que estuda e o curso.

7.- O concurso está dotado cos seguintes premios:
Primeiro Premio: reprodutor DVD portátil
Segundo Premio: un iPod

Así mesmo elaborarase un libro con todos os caligramas presentados e entregarase un exemplar aos centros nos que estean matriculados os gañadores.
As obras pasarán a ser propiedade da biblioteca do IES Castro da uz e cos caligramas presentados realizarase unha escolma para seren colocados na biblioteca do Centro.

9.- O Xurado estará constituído por membros do claustro de profesores do IES Castro da uz e a súa decisión será inapelable. O fallo realizarase na penúltima semana de abril de 2009. O resultado será notificado aos gañadores e aos centros nos que se encontran matriculados vía e-mail, telefónica.

10.- O feito de participar no certame supón a aceptación das presentes bases.Pública Municipal

¡¡¡SORTE A TODOS E A TODAS!!!

Grupo de Biblioteca do IES CASTRO DA UZ a 12 de xaneiro de 2009.

30 DE XANEIRO 2009: DÍA ESCOLAR POLA PAZ

2009-01-21T10:04:00.000+01:00

O vindeiro 30 de xaneiro de 2009 celébrase o día escolar pola paz, proclamado polas Nacións Unidas, no día do aniversario da morte de Gandhi. Con motivo desta celebración o Seminario Galego de Educación para a paz www.sgep.org, elabora materiais que nos poden ser utiles para conmemorar este día!
Aí vai como mostra este cartel tan chulo!!

XUNTANZA DO CLUB "MERLÍN E AMIGOS"

2009-01-15T12:04:00.000+01:00

O vindeiro luns día 19 de xaneiro, as 11:00 da mañá , na Biblioteca, celebrarase unha xuntanza cos membros do grupo A do club, para poñer en común as nosas opinións sobre a lectura escollida neste mes "CARTAS DE INVERNO" de Agustín Fernández Paz.
Esperámosvos a todos. NON FALTEDES!!!!

LIBROS DO MES DE XANEIRO

2009-01-14T12:25:00.000+01:00

CARTAS DE INVERNO
Agustín Fernández Paz

Tareixa Louzao recibe un voluminoso sobre remitido polo seu irmán Xabier desde un, para ela, descoñecido lugar: Doroña (Vilamaior). No interior inclúense unha carta e outro sobre máis pequeno coa lapela de cerre reforzada por unha fita adhesiva. Na carta, Xabier indícalle á súa irmá que non abra o sobre fechado e que, se antes dunha semana non volve recibir outra misiva súa, llo entregue ó Inspector Soutullo da Comisaría de Vigo.
Pero Tareixa non pode resistir a tentación e abre o sobre. No seu interior aparecen unhas cartas que lle foran remitidas a Xabier polo seu amigo o pintor Adrián Louzao, e que el tardará tempo en recibir por mor dunha longa estadía en Quebec.
No epistolario Adrián fala dos estraños sucesos que está a vivir relacionados coa súa nova casa, e pídelle axuda ó seu amigo

CALZADOS LOLA
Suso de Toro

Calzados Lola é un relato mítico de iniciación no que o heroe, tamén a heroína, teñen que andar un camiño para gañar un coñecemento: quen son eles verdadeiramente, a través de coñecer a súa historia familiar oculta.
En Calzados Lola relátanse varias investigacións: a do desfalco dunha empresa, a dun pasado familiar, a de como construímos a nosa identidade. Varias historias contadas e suxeridas. Vidas veladas, o desvelamento da vida. O pasado e o presente, os pais e os fillos e os avós, os vivos e os mortos. Unha viaxe á orixe, unha escapada. O odio e o amor, a morte e a resurrección. Dúas novelas, unha de suspense e acción que nos arrastra na súa viveza,. e outra densa e fonda que conta a crise, esfarelamento e reconstrucción da identidade persoal. Un libro que conta, coa sensibilidade de hoxe, historias tan vellas como a xente. Unha novela atlántica.

CREACIÓN DO CLUB DE LECTURA: MERLÍN E AMIGOS POLO WIRTZ

2008-12-16T11:57:00.000+01:00

Como xa saberedes, neste curso imos poñer en marcha o noso primeiro club de lectura.

O nome do noso club será MERLÍN E AMIGOS polo Wirtz. Eliximos este nome parafraseando ó título do noso grande fabulador Cunqueiro "Merlín e familia" . Da man de Merlín, o fascinante mago artúrico, queremos viaxar polo mundo real e máxico da literatura.

Para ter unha imaxe que nos identifique, fixemos un concurso de logos e a nosa gañadora foi: Estefanía Rama Romero, que fixo para nos este bonito debuxo:

Noraboa Estefanía!!!!

Moitos outros alumnos participaron na nosa convocatoria. Se queredes ver os seus traballos non tedes máis que ir ao pasillo de entrada do instituto onde están expostos.

Gracias a todos pola vosa colaboración

PRESENTACIÓN DO LIBRO BOCAS

2008-05-22T11:42:00.000+02:00

DÍA DO LIBRO

2008-04-24T12:33:00.000+02:00

Como xa sberedes, no día do libro, algúns dos nosos alumnos de 4º da ESO (Alberto, Antía, Amar e Marieta),fixeron un contacontos para os seus compañeiros de 1º e 2º curso.

Aínda que tiveron un gran éxito, non todos puidemos disfrutar deles, así que aí van unhas fotiños para que os vexades "en acción".

Dende o noso blogue queremos agradecer a súa colaboración nese día:

Día das letras galegas: concurso literario

2008-04-16T13:51:00.000+02:00

Convócase o CONCURSO LITERARIO ANUAL do IES Fernando Wirtz con motivo do Día das Letras Galegas, este ano adicado ao escrito e estudoso Xosé María Álvarez Blázquez.

1. Haberá dúas categorías:
a) Para alumnos de 1º, 2º e 3º de ESO
b) Para alumnos de 4º de ESO, ESA, Bacharelato e Ciclos.

2. Cada autor presentará só un texto en prosa ou verso, orixinal, en lingua galega e de tema e extensión libre.

3. Os orixinais entregaranse antes do mércores 30 de abril a calquera profesora de galego. Os textos irán en sobre pechado, no que se indicará o lema e a categoría, contendo no interior, e noutro sobre, os datos do autor: nome e curso.

4. Para cada categoría e cada xénero haberá un primeiro premio dotado con 50€, e un segundo dotado con 20€.

5. Un tribunal composto polo profesorado de galego emitirá o fallo, que será público durante os actos de celebración do Día das Letras Galegas. Os textos gañadores serán publicados no número de maio de O Voceiro

RECOMENDACIÓNS DE LECTURA DO MES DE ABRIL

2008-04-11T13:08:00.000+02:00

Estas son as nosas suxerencias de lectura para este mes de abril. Todos os exemplares están na Biblioteca.Anímate a coller algún e danos a túa opinión.

AGUSTÍN FERNÁNDEZ PAZ
Aire negro

Tres anos despois de ocorridos os feitos, un ex psiquiatra cóntanos unha experiencia estarrecedora coa súa primeira paciente

CARMEN MARTÍN GAITE
Caperucita en Manhattan

Recreación do conto de “Caperucita Roja”, adaptado á sociedade na que vivimos, cunha Carapuchiña que é unha nena de hoxe e que se move nun bosque moi diferente (Manhattan), e que se encontrará coas personaxes do famoso conto. Carapuchiña é un clásico da literatura sobre a iniciación á vida adulta, sobre os perigos aos que temos que facer fronte e a esixencia de facelo en liberdade e por nós mesmos

J.D. SALINGER
El guardián entre el centeno

Holden Caulfield sabe que vai ser expulsado do colexio, e decide deixalo antes. Pasa tres días na cidade de Nova York s conta a historia do que fixo e sufriu

FRED UHLMAN.

Reencontro
Hans é fillo dun médico xudeu e Konradin é un aristócrata descendente dunha das familias máis vellas de Alemaña. As súas afinidades e o seu xeito de ver as cousas convérteos en amigos íntimos. Pero cando Hitler chega ao poder, Konradin entra no exército nazi e Hans ten que marchar de Alemaña.

RICARDO GÓMEZ
O cazador de estrelas

Bachir é un neno enfermo que vive nun campamento de refuxiados saharauís. Debido á súa doenza está recluído nunha tenda e a súa familia coida del. Non sabe ler nin escribir e abúrrese cos libros de imaxes que lle leva súa irmá. Descobre que a través dos sons que lle chegan do exterior pode comprender de todo o que pasa no campamento. Entretense escoitando estas voces e imaxinando o que transcorre fóra da súa tenda. Unha noite escoita o ruído duns pasos e coñece un vello que lle vai contar a historia do seu pobo e a posibilidade de curarse da súa enfermidade.

JOSÉ LUIS SAMPEDRO
El mercado y la globalización

O autor cóntanos dunha maneira sinxela os principios fundamentais da economía e o impacto que ten no noso mundo a chamada globalización. É moi fácil de ler e ten boas ilustracións

23 de Abril Día Mundial do Libro e o Dereito de Autor.

2008-04-04T13:01:00.000+02:00

Un 23 de abril de 1616 morreron personalidades tan relevantes para a Literatura como Shakespeare , Cervan-tes ou Garcilaso de la Vega. Por iso, a Conferencia Xeral da Unesco pensa nesta data para render unha homenaxe ós libros e ós autores e autoras alentando, especialmente á xente xoven, a descubri-lo pracer pola lectura.

Alguén dixo...

“...eu fiquei totalmente subxugado (...) polas palabras, ao me dar de conta de que eran instrumentos máxicos, poderes encantadores, deuses creadores de todo canto había e canto podería haber, seres que se transformaban, non diante dos meus ollos, senón dentro de min”. (Xabier P. Docampo, Catro cartas)

DECÁLOGO SOBRE OS LIBROS E A LECTURA

1. O libro, o mesmo que a arte en xeral, debe estar presente de forma natural e habitual na vida dos xoves.

2. O libro non é un patrimonio exclusivamente cultural, senón un elemento máis de entretenemento nun mundo aberto cada día a máis opcións de ocio global.

3. Un libro é coma un disco, unha película, un vídeo o un xogo: pura evasión.

4. A biblioteca é o maior salón de xogos (gratuíto) do mundo, e hai sempre unha máis ou menos cerca de ti.

5. Ler fainos independentes, danos personalidade, poder, forza, ideas propias, diferéncianos dos demais.

6. Ler é a principal chave desa porta chamada liberdade.

7. Ler é a única droga que de verdade nos abre a mente, nos da luz e nos cambia.

8. Ó ler, ó sentir, lembramos que estamos vivos, e que isto é un privilexio.

9. Cando o mundo intenta darnos alcance e asquearnos, ler é o único que nos devolve a nosa condición humana.

10. Ler é coma facer o amor: estás ti e o libro, sós, compartíndoo todo.

JORDI SIERRA I FABRA

2008-03-07T12:51:00.000+01:00

TÍTULO: IMOS CONTAR MENTIRAS!!!

Imos contar mentiras...

Ou non.

Soñamos con que algún día nada disto sexa unha triste realidade. Con que homes e mulleres sexan exactamente iguais e gocen exactamente dos mesmos dereitos. Con que non haxa nin unha soa muller que sexa violada polo simple feito de selo. Con que non existan os burkas, nin os medos. Con que o traballo doméstico sexa realizado por dúas persoas e non por unha. Con que os salarios sexan exactamente os mesmos. Con que as oportunidades sexan as mesmas. Con que non haxa unha soa muller que teña medo a ser nai por non quedar sen traballo. Con que non existan diferenzas.

Cando teñamos unha sociedade, un planeta inequívocamente solidario, no futuro pensarán que nada disto é real.

Home e muller, ombreiro con ombreiro, sorriso con sorriso, loitando porque a atmósfera sexa máis respirábel.

Traballo colaborativo dos Blogues das Bibliotecas Escolares Galegas en prol da Igualdade.

Se te queres unir a esta iniciativa tes o código nesta ligazón.

Textos e debuxos do 1º vídeo

2008-03-07T12:48:00.001+01:00

TÍTULO: 10 Mulleres de Cine no Século XXI

O cabo dalgúns anos quen queira ter unha idea de como era a sociedade do 2008 e que papel tiña a muller nela terá que votar mán do cine.

Hoxe, anticípándonos aos acontecementos, propoñemos: dez miradas ao mundo fiminino a través de dez historias que nos mostran diferentes etapas das súas vidas.

Empezaremos por ver a aquelas que se incorporan o mundo, pero pola vía da adopción e vindo de lonxe en La pequeña Lola.

Votaremos unha ollada a aquelas nenas que difrutan unha infancia chea de comodidades e o mesmo tempo chea de histerismo, falamos de Pequeña Miss Sunshine.

Moitas mulleres procedentes de outras culturas, por adopción ou emigración, deben loitar na súa xuventude por compatibilizar as súas tradicións co seu contorno e iso e o que fan en Quiero ser como Beckhamn.

E seguindo co inevitable e marabillosa mestizaxe que nos invade, asistiremos a ruptura de tópicos que nos amosan en Las mujeres de verdad tienen curvas.

Pasada a xuventude: toca a vivir, e se non se dan as cousas como se soñaron e preciso poñerse á tarefa e tratar de cambialo todo e iso é o que fai Amelie.

Outras ven truncados os seus anhelos antes de poder cambialos, pero tratan de deixarnos un mundo mellor , como a protagonista de Mi vida sin mí.

En cualquera caso , a consigna e vivir dignamente e iso é o que tratan de facer as mulleres de Mataharis.

Claro que hai cousas que non cambian e os violentos
inimigos da convivencia e a igualdade fan das súas en
Te doy mis ojos.

Pero como dicía unha consigna: podedes arrincar as flores, pero non impediredes a chegada da primavera. Vemos isto no mundo que se inventa a granxeira de La suerte de Emma.

E acabamos cunha dura visión da idade madura en Diario de un escándalo. Que se ben non nos mostra un gran exemplo de vida si nos invita a una profunda e última reflexión.

Buscade estas películas nas bibliotecas, nas tendas ou mesmo nas carteleiras e gardádeas na memoria. Veredes como nuns poucos anos convírtense en documentos de vida deste 2008.

Traballo colaborativo dos Blogues das Bibliotecas Escolares Galegas en prol da IGUALDADE.
Se te queres unir a esta iniciativa tes o código nesta ligazón.

2008-03-07T12:31:00.000+01:00

TÍTULO: MARUJA MALLO: A Gran Transgresora do 27

Poucos saben que a soberbia triloxía formada por Lorca, Buñuel e Dalí, de sobra coñecida por todos, foi en realidade un cuarteto. Quen era esa cuarta figura, estrañamente silenciada pola historia? Por que foi relegado ao esquecemento o seu nome? Maruja Mallo foi, sen lugar a dúbidas, unha pintora xenial, á que unha suma de adversidades históricas e prexuízos sociais negaron de xeito insólito o recoñecemento que merece.

A súa peripecia vital é a de quen irrompeu na escena artística madrileña dos anos vinte decidida a romper os estereotipos e os moldes que encorsetaban tanto a arte coma as mulleres, condenadas a desempeñar o papel exclusivo de fieis esposas e lánguidas amas de casa. Os seus extravagantes atuendos, o seu desenfado, as súas correrías noturnas da man de Dalí e dos seus compañeiros da Residencia de Estudantes por un Madrid sacudido polo impacto do cine, do jazz e das ideas máis radicais, así coma o seu xogo deliberado coa ambigüidade sexual, converteron a esta moza galega, miúda e fráxil, nun emblema temperán da liberación feminina. Pero pagou a súa ousadía. En 1937 viuse obrigada a exiliarse a Arxentina, de onde voltou vinte anos despois, só para comprobar que os escándalos asociados ao seu nome remataran desdebuxando a súa verdadeira fisonomía e por eclipsar a portentosa valía da súa obra.

Nada en Viveiro no ano 1902, a profesión do seu pai -funcionario de aduanas- levouna a residir en distintas provincias españolas até a definitiva instalación da familia en Madrid en 1922. Ingresa na Academia de Belas Artes e empeza a relacionarse coa nova xuventude de poetas e artistas que irrompen na escena española. Coñece a Salvador Dalí e á poetisa Concha Méndez, que a introducen no círculo da Residencia de Estudantes, onde estreita lazos de amizade e camaradaría con Lorca, Buñuel e con Rafael Alberti, co que mantén unha relación amorosa importante e longo tempo silenciada tanto na súa biografía como na do poeta. Concha Méndez e Maruja pasearon por Madrid como mulleres modernas e emancipadas, manexando bicicletas, facendo deporte, asistindo aos cafés, a eventos literarios ou a verbenas populares. Nestes anos, Maruja crea a súa propia linguaxe artística, atenta aos ecos das distintas vangardas que empezan a chegar a España -futurismo, surrealismo, cine- e cos ollos abertos á arte popular. Mestura todo coa súa particular interpretación.

En 1928 Ortega y Gasset bríndalle os salóns da Revista de Occidente para realizar a súa primeira exposición. O debut estivo arroupado por comentarios e recensións de prensa, referendado por intelectuais e pola alta sociedade madrileña fascinada por aquelas combinacións de elementos festivos e burlescos, pola alegría da cor, as distorsionadas composicións das súas verbenas e polas atléticas mulleres que protagonizan as súas estampas deportivas.

A finais de 1928 pasa por unha inflexión e un acercamento particular cara ao surrealismo froito dos seus avatares persoais e da relación que establece con Alberto Sánchez e Benjamín Palencia. Baixo o nome da Escuela de Vallecas percorrerán as paisaxes desapracibles e duras que rodean Madrid, as zonas finais do urbano e o inicio do contorno rural. Até 1931 explora este tipo de paisaxes que darán lugar á serie "Cloacas e campanarios".

No 1931 viaxa a París onde expón a súa obra. Numerosos intelectuais e artistas como Picasso e André Bretón visitan e acollen con entusiasmo a mostra. O seu regreso a Madrid, a finais de 1932, supón un novo xiro no seu estilo. As súas novas series "Arquitecturas minerais", inspiradas en pedra, e "Arquitecturas vexetais", poboadas por estrañas froitas, son teas que aínda que manteñen a sobriedade cromática someten agora as súas formas a esquemas xeométricos. Durante esta época combina o seu traballo artístico cunha intensa actividade de compromiso coa República.

Previo ao estalido da Guerra Civil, no 1936, realiza una obra clave para o período artístico que desenvolverá ao outro lado do Atlántico: "La sorpresa del trigo". Este cadro mural, primeiro da serie "La religión del trabajo", presidirá a súa derradeira exposición en España, promovida polo grupo ADLAN. A Guerra Civil sorpréndea en Galicia, onde permanece até 1937, marchando a Bos Aires onde é recibida como unha artista de renome. Dará numerosas entrevistas e conferencias, escribe artigos e realiza a súa obra pictórica "Arquitectura humana". Seguirá traballando en lenzos que compoñen un amplo ciclo dedicado a dous temas principais: o mar e a terra. Realiza varias series: "Retratos bidimensionais" sobre rostros femininos de fronte e perfil, imaxes planas e prototípicas; "Bailarinas"; "Máscaras"; esquemáticos debuxos reunidos en "Arquitecturas" e, finalmente, "Naturezas vivas", variacións sobre estraños seres zoomórficos inspirados na xeoloxía e na fauna sudamericana. Estas últimas son unha serie de gravados, debuxo e óleo que se alongan até o ano 1960, cando decide voltar a España.

A súa obra é cada vez máis valorada por galeristas e críticos, especialmente a crítica española máis nova, que ve nela a encarnación dunha vangarda ocultada polo franquismo. Tras a morte de Franco chégalle o recoñecemento total; a súa culminación podería establecerse na Medalla de Ouro de Belas Artes, no ano 1982, e na exposición antolóxica que en 1993 lle dedica o Centro Galego de Arte Contemporánea. Para entón Maruja está xa moi enferma. Morre o 6 de febreiro de 1995 na residencia de anciáns Menéndez Pidal de Madrid.

Para saber máis:
Biografía en Cutlura galega feita pola catedrática de historia da arte contemporánea Mª Luisa Sobrino
Biografía en Wikipedia
En Ciudad de Mujeres
Entrevisa a J.L. Ferris autor da última monografía editada sobre M. Mallo

Bibliografía
GÓMEZ DE LA SERNA, R., Maruja Mallo, Buenos Aires, Losada, 1942.
MARUJA Mallo, Madrid, Galeria Guillermo de Osma, 1992
VIDAL, C., Maruxa Mallo. Vigo, A nosa terra, 1999
MARUJA Mallo, Santiago de Compostela, Xunta de Galicia, Consellería de Cultura, 2003.
FERRIS, J.L., Maruja Mallo. La gran transgresora del 27, Madrid,Temas de hoy, 2004, (Biografías).

Traballo colaborativo dos Blogues das Bibliotecas Escolares Galegas en prol da Igualdade.
Se te queres unir a esta iniciativa tes o código nesta ligazón.

Trabajos ganadores de los Premios Narrativa y Poesía en Lengua Castellana 2007

2008-02-08T16:36:00.000+01:00

1º Premio Poesía ESO

Autor: Fernando Pouso Ruocco

"Rey muerto"

Rojo, muy rojo, teñido su mundo.
En una red de púas el Rey se enredó.
Mecánico, inconsciente, automático,
el amor repentinamente lo embriagó.
Cinco botones y dos monedas de oro,
eso bastó para enamorar a la Reina que lo mató.
No confíes en nadie, repetían las agujas,
las tristes y sabias agujas de su reloj.
No confíes nunca en las gigantescas damas
que bajo su vestido es todo traición.
Mas el Rey nunca obedeció tales consejos,
y en su piel más de un puñal se clavó.
La Reina de los ojos ahogados
encima del cuerpo del Rey lloró,
sólo una princesa se vio angustiada
la otra, tranquila, del reino escapó.

------------------

2º Premio Poesía ESO

Autor: Marinha Díaz Gallego

"Página en blanco"

Puedo cerrar los ojos,
puedo dejar de ver
también podría irme, ¡ahora!¡lejos!
y dejar ya de creer.

Todo sucede un día cualquiera
todo podría cambiar en un solo segundo,
y no puedo volver atrás, aunque quiera
destinados a vivir atados a este mundo.

No entiendo el significado de mis palabras.
No entiendo en verdad qué quieren decir,
pueden sonar tiernas o macabras,
escribo que el tiempo me hace sentir.

De vivir en las noches silenciosas
perdí miedo hace ya tiempo,
y no entiendo,
y si digo que somos felices, miento.

¿Cuánto vale tu vida?
¿Qué precio le pondrías?
¿Cuánto vale tu alma?
¿Por cuánto me la regalarías?

No podemos evitar sentirnos débiles
tú no lloras.
La vida únicamente es una obra
no sabremos cuánto dura, cuántos minutos, cuántas horas.

Siento que mis pasos están ya escritos
¡y siento también que me vigilan!
Que está al revés el mundo en el que vivo.
Que soy de los eslabones que oscilan.

Nosotros queríamos cambiar el mundo
¿Por qué tenemos como condena crecer?
Empezamos a ver desistir las fuerzas
cerramos los ojos sin querer entender.

Sería difícil buscar un final a tal disparate
aún así no pensamos nunca en vencer
pero siempre podrás ir allí a buscarme,
más allá, allá donde nazca el amanecer.

------------------

1º Premio Poesía BACHARELATO

Autora: Miren Alonso Díaz

"Estimado espejo"

Mi reflejo te abruma,
es espeso y pesado
dibujar mis facciones
con un hilo arrugado.

Eres un retratista
sin tu propio retrato.
Las dimensiones vuelan
al tocarlas tu mano.

En tu mundo se pierde
nuestro mundo probado.
¿Cuál es el verdadero?
¿El de aquí o el de al lado?

Eres protagonista
de añejos relatos,
en ellos eres puerta
hacia todo lo mágico.

Sorteas luz o lágrimas
con tu beso enigmático,
sonrisas de galán
o crepúsculo amargo.

Lo irreal ya es real,
lo verdadero es falso,
en tu pecho naufraga
cualquier hombre sensato.

Busco siempre tus ojos
y no puedo encontrarlos,
sólo veo los míos
a través de tu abrazo.

Yo (¿o mi reflejo?)

-----------------

2º Premio Poesía BACHARELATO

Autora: Irene Cedeira Carreira

"Soledad"

Roto y sucio está el retrato
empapado de sudor
penitente es el agravio
del susurro abrasador.

Caminante sin camino
como un loco sin gritar
como un grito enloquecido
loco está por caminar.

Escapando de tu imagen
que no quiero ni mirar
colocándome yo al margen
dándote mi libertad.

Escuchando tu silencio
admirando tu frialdad
corrompiéndome por dentro
quiero y no puedo escapar.

Reo estoy de tu recuerdo
preso en cautividad
libera ya este sufrimiento
dame alas al volar.

Lloro y muero en este infierno
del que no puedo escapar.
Río por no morir sufriendo.
muero solo por vivir en paz.

Humo absurdo de este fuego
fuego fatuo sin quemar.
Consumido estoy por dentro
por quererme liberar.

Yo que siempre estoy perdiendo
he conseguido al fin ganar
mi Gólgota está ya lejos
y colgada mi ansiedad.

Asumida mi locura
puedo errante caminar
y aunque pueda estar contigo
no te quiero, soledad.

--------

CONCURSO DE NARRACIÓN Y POESÍA EN LENGUA CASTELLANA 2007-2008

2008-02-01T18:42:00.000+01:00

CONCURSO DE NARRACIÓN E POESÍA EN LENGUA CASTELLANA 2007-2008

El Departamento de Lengua Castellana y Literatura, en conmemoración del Día Mundial del Libro el próximo 23 de abril, convoca un Concurso de Narración y Poesía.

BASES

1.- Podrá participar el alumnado matriculado en este Instituto durante el presente curso 2007-2008, aportando trabajos inéditos y que no hayan sido premiados en ningún otro concurso.
2.- Los trabajos se presentarán mecanografiados a doble espacio por una sola cara. La extensión máxima para las narraciones será de 5 folios. Se adjuntará, asimismo, un disquete o CD con el archivo correspondiente.
3.- Los trabajos serán entregados en Consejería antes del 23 de abril de 2008.
4.- Los textos se presentarán en un sobre grande cerrado. En la parte exterior del mismo ha de figurar un lema que identifique el trabajo presentado. En el sobre se introducirá:
- El trabajo que se presente a concurso, en cuyo encabezamiento figurará el título y el mismo lema que figura en el exterior del sobre.
- Un sobre pequeño y cerrado con el lema escrito en su exterior. Dentro se introducirá una hoja en la que se indiquen todos los datos: lema, título del trabajo, nombre y apellidos, curso y grupo.
5.- Los trabajos que no cumplan alguno de estos requisitos quedarán automáticamente descalificados.
6.- Se convocan dos modalidades:

Modalidad A: Alumnos de ESO.
Modalidad B: Alumnos de Bachillerato y Ciclos Formativos.

7.- Se otorgarán dos premios de Narración y dos premios de Poesía en cada modalidad, cuyo importe es el siguiente:

PRIMER PREMIO: 100,00 euros
SEGUNDO PREMIO: 50,00 euros

8.- El Jurado estará compuesto por las profesoras que integran el Departamento de Lengua Castellana y Literatura y su decisión será inapelable. Este Jurado podrá declarar desierto alguno de los premios, así como otorgar menciones especiales. 9.- El fallo del Jurado se dará a conocer el viernes 16 de mayo de 2008.
10.- La presentación a este concurso implica la total aceptación de sus bases.

PREMIOS LITERARIOS MINERVA 2008

2008-01-23T11:42:00.000+01:00

Un ano máis o Colexio M. Peleteiro, convoca os premios literarios MINERVA

PARTICIPANTES:

Nesta convocatoria poderán participar alumnos de 3º e 4º de E.S.O. e Bacharelato que cursen estudios en Galicia, e non teñan cumpridos os 20 anos o 31 de decembro de 2008.

REQUISITOS:

Os traballos deberán ser orixinais e inéditos, escritos en lingua galega

As modalidades nas que se pode participar son:

POESÍA: un conxunto de tres poemas, de tema e forma libres
NARRATIVA: con extensión máxima de seis folios mecanografiados a dobre espazo e de tema libre

PREMIOS:

Concederánse tres premios en cada modalidade, de 750, 450 e 300 € respectivamente, medalla de prata conmemorativa do Certame e publicaicón das obras galardoadas nun libro editado polo Colexio "M. Peleteiro", e distribuído pola editorial Galaxia

PRAZO DE PRESENTACIÓN: Remata o día 31 de marzo do 2008

MÁIS INFORMACIÓN : Na biblioteca do centro

POEMAS POLA PAZ (2)

2008-01-22T13:11:00.000+01:00

Iniciativas tan marabillosas como esta deberían espallarse e facer posible que os únicos bombardeos que houber polo mundo foran de poemas.

“A poesía é unha arma cargada de futuro”
Gabriel Celaya

Cuando ya nada se espera personalmente exaltante,
mas se palpita y se sigue más acá de la conciencia,
fieramente existiendo, ciegamente afirmado,
como un pulso que golpea las tinieblas.

Cuando se miran de frente
los vertiginosos ojos claros de la muerte,
se dicen las verdades:
las bárbaras, terribles, amorosas crueldades.

Se dicen los poemas
que ensanchan los pulmones de cuantos, asfixiados,
piden ser, piden ritmo,
piden ley para aquello que sienten excesivo.

Con la velocidad del instinto,
con el rayo del prodigio,
como mágica evidencia, lo real se nos convierte
en lo idéntico a sí mismo.

Poesía para el pobre, poesía necesaria
como el pan de cada día,
como el aire que exigimos trece veces por minuto,
para ser y en tanto somos dar un sí que glorifica.

Porque vivimos a golpes, porque apenas si nos dejan
decir que somos quien somos,
nuestros cantares no pueden ser sin pecado un adorno.
Estamos tocando el fondo.

Maldigo la poesía concebida como un lujo
cultural por los neutrales
que, lavándose las manos, se desentienden y evaden.
Maldigo la poesía de quien no toma partido hasta mancharse.

Hago mías las faltas. Siento en mí a cuantos sufren
y canto respirando.
Canto, y canto, y cantando más allá de mis penas
personales, me ensancho.

Quisiera daros vida, provocar nuevos actos,
y calculo por eso con técnica qué puedo.
Me siento un ingeniero del verso y un obrero
que trabaja con otros a España en sus aceros.

Tal es mi poesía: poesía-herramienta
a la vez que latido de lo unánime y ciego.
Tal es, arma cargada de futuro expansivo
con que te apunto al pecho.

No es una poesía gota a gota pensada.
No es un bello producto. No es un fruto perfecto.
Es algo como el aire que todos respiramos
y es el canto que espacia cuanto dentro llevamos.

Son palabras que todos repetimos sintiendo
como nuestras, y vuelan. Son más que lo mentado.
Son lo más necesario: lo que no tiene nombre.
Son gritos en el cielo, y en la tierra son actos.

POLA PAZ (1)

2008-01-22T13:07:00.000+01:00

Os blogues das bibliotecas escolares galegas, unha vez máis, unímonos na loita do dereito primordial de todo ser humano: a convivencia pacífica. Porque sabemos que a base de toda coexistencia é o entendemento, o diálogo, o feito de sabermos abrir os nosos ollos e os nosos oídos para escoitar e entender, desexamos elevar as nosas voces como unha soa, un só berro unido por unha soa palabra, a palabra máis fermosa que debe reinar nas nosas existencias: PAZ. E para reclamala, para pedir aos gobernos que senten a dialogar, para pedir a todo home e muller que habite sobre a face da terra que sexa quen de trocar puños e fusís por verbas e entendemento, por conmiseración e diálogo, por amizade e respecto, é polo que estamos aquí. Dende hoxe ata o día 30, lembrarémosvos que podemos vivir en paz, que só hai que crer nela, confiar nela, traballar por ela. O noso labor primordial é e será sempre ensinar respecto, democracia e educación. O noso labor é axudar para unha mellor sociedade do futuro