Maio, o mes das flores

Xa imos pola metade de maio, e este ano, como di o refrán, “En maio aínda a vella queima o tallo”. Tivemos algúns días de sol 😀, e tamén de auga 💦 e frío, como o de hoxe.

Este mes é coñecido tamén como o mes das flores e, en Galicia, está representado por unha tradición moi especial: a elaboración de adornos, esculturas e alfombras con elementos naturais, coñecida como Os Maios.

É inevitable lembrar o poema de Curros Enríquez, O Maio:

Aí vén o maio

de frores cuberto ...

Puxéronse á porta

cantándome os nenos;

i os puchos furados

pra min estendendo,

pedíronme crocas

dos meus castiñeiros.

Pasai, rapaciños,

calados e quedos;

que o que é polo de hoxe

que darvos non teño.

Eu sonvos o probe

do pobo gallego:

pra min non hai maio,

pra min sempre é inverno! ...

📌 Podes lelo completo no seu libro Aires da miña terra 📙ou escoitalo 🎧 cantado  por Luis Emilio Batallán, que lle puxo música.

Se queres coñecer máis detalles sobre esta fermosa celebración, que nos deixa imaxes cheas de luz e cor, no catálogo da biblioteca podes atopar o libro: 

📌 A festa dos Maios 📙, de Clodio González Pérez.